Kreston Georgia აგრძელებს საგადასახადო კანონმდებლობაში შესული ცვლილებებისა და სიახლეების მიმოხილვას. ამჯერად გთავაზობთ 2025 წლის ივლისის თვეში შესული საკანონმდებლო სიახლეების მიმოხილვას.

სარჩევი

1. ცვლილებები საქართველოს ფინანსთა მინისტრის ბრძანებებში 

1.1. ტერმინოლოგიური ხასიათის ცვლილება 

1.2. ტერმინოლოგიური ხასიათის ცვლილება 

2. ცვლილებები საქართველოს ფინანსთა მინისტრის ბრძანებებში 

2.1. თიზ-ის ორგანიზატორმა თიზ-ის საწარმოების შესახებ ინფორმაცია უნდა წარადგინოს 

2.2. საჯარო გადაწყვეტილება საკუთარი წარმოების შენობა-ნაგებობის დღგ-ით დაბეგვრის თაობაზე 

3. ცვლილებები დაგროვებითი პენსიის შესახებ კანონის კანონქვემდებარე ნორმატიულ აქტებში

3.1. საპენსიო შენატანის განუხორციელებლობისას დაკისრებული საურავის განაკვეთი გაიზარდა

3.2. საპენსიო შენატანისა და საურავის თანხის  გადახდის თანმიმდევრობა

3.3. ხელახალი მონიტორინგის დანიშნვნის წინაპირობები შეიცვალა

3.4. პენსიის გატანა პროგრამული გატანითა და ერთიანი გადახდით

1. ცვლილებები საქართველოს ფინანსთა მინისტრის ბრძანებებში

1.1. ტერმინოლოგიური ხასიათის ცვლილება

2025 წლის 7 ივლისს გამოქვეყნდა საქართველოს კანონი N879-IIმს-XIმპ, რის საფუძველზეც ცვლილება შევიდა საქართველოს საგადასახადო კოდექსში (შემდგომში – სსკ). კერძოდ კი, ახალი რედაქციით ჩამოყალიბდა სსკ-ის 82-ე მუხლის 1-ლი ნაწილის „ნ“ ქვეპუნქტი, რომელიც საშემოსავლო გადასახადისგან ათავისუფლებს დროებითი საცხოვრებელი ადგილის სანაცვლოდ ლტოლვილის, ჰუმანიტარული სტატუსის მქონე პირის ან იძულებით გადაადგილებული ფიზიკური პირის მიერ პრივატიზების პროგრამის ფარგლებში მიღებულ კომპენსაციებს, აგრეთვე იძულებით გადაადგილებულ პირთათვის – დევნილთათვის სახელმწიფოს მიერ გადაცემული ქონების ღირებულებას და ამ ქონების თავდაპირველი რეალიზაციით მიღებული შემოსავალს.

ცვლილების საფუძველი გახდა ის ფაქტი, რომ „საერთაშორისო დაცვის შესახებ“ საქართველოს კანონში განხორციელდა ტერმინოლოგიური ხასიათის ცვლილება და „ჰუმანიტარული სტატუსის მქონე პირის“ ნაცვლად განისაზღვრა „დამატებითი დაცვის მქონე პირის“ ტერმინი. შესაბამისად, ვინაიდან სსკ-ში გამოყენებულია ჰუმანიტარული სტატუსის მქონე პირის აღმნიშვნელი ტერმინი, „საერთაშორისო დაცვის შესახებ“ საქართველოს კანონის ცვლილებებთან შესაბამისობის უზრუნველსაყოფად, სსკ-ის 82-ე მუხლის 1-ლი ნაწილის „ნ“ ქვეპუნქტში ტერმინი „ჰუმანიტარული სტატუსის მქონე პირი“ ჩანაცვლდა ახალი ტერმინით „დამატებითი დაცვის მქონე პირი“.

ცვლილება ამოქმედდება 2025 წლის  1 ოქტომბრიდან.

ცვლილების შესახებ დეტალური ინფორმაცია იხილეთ ბმულზე:

https://matsne.gov.ge/ka/document/view/6541261?publication=0

1.2. ტერმინოლოგიური ხასიათის ცვლილება

2025 წლის 3 ივლისს გამოქვეყნდა საქართველოს კანონი N845-IIმს-XIმპ, რის საფუძველზეც ცვლილება შევიდა საქართველოს საგადასახადო კოდექსში (შემდგომში – სსკ). ცვლილების შედეგად, ტერმინოლოგიური და შინაარსობრივი დაზუსტების მიზნით ახალი რედაქციებით ჩამოყალიბდა სსკ-ის მე-10; 11; 82; 170 და 206-ე მუხლების გარკვეული ჩანაწერები.

სსკ-ში არსებული ტერმინოლოგია რიგ შემთხვევებში არ შეესაბამებოდა, გაეროს შეზღუდული შესაძლებლობის მქონე პირთა უფლებების 2006 წლის კონვენციას. აქედან გამომდინარე, ცვლილება ემსახურება ზემოხსენებული საკითხის მოწესრიგებას და კონვენციურ ტერმინებსა და სტანდარტებთან სსკ-ის ჩანაწერების შესაბამისობაში მოყვანას. ასე მაგალითად, ტერმინი „მოხუცებული“ ჩანაცვლდა ტერმინით „ხანდაზმული“, ხოლო ტერმინი „ინვალიდთა სახლები“ ჩანაცვლდა ტერმინით „შეზღუდული შესაძლებლობის მქონე პირთა სპეციალიზებული დაწესებულებები“ და სხვა.

ცვლილება ამოქმედდება გამოქვეყნებისთანავე, ანუ 2025 წლის  3 ივლისიდან.

ცვლილების შესახებ დეტალური ინფორმაცია იხილეთ ბმულზე:

https://matsne.gov.ge/ka/document/view/6539713?publication=0

2. ცვლილებები საქართველოს ფინანსთა მინისტრის ბრძანებებში

2.1. თიზ-ის ორგანიზატორმა თიზ-ის საწარმოების შესახებ ინფორმაცია უნდა წარადგინოს

2025 წლის 15 ივლისს გამოქვეყნდა საქართველოს ფინანსთა მინისტრის N184 ბრძანება, რის საფუძველზეც ცვლილება შევიდა „გადასახადების ადმინისტრირების შესახებ“ ფინანსთა მინისტრის N996 ბრძანებით დამტკიცებულ ინსტრუქციაში.

ცვლილების შედეგად, ინსტრუქციას დაემატა ახალი 41³-ე მუხლი, რომლითაც განისაზღვრა თავისუფალი ინდუსტრიული ზონის (შემდგომში, „თიზ“) ორგანიზატორის/ ადმინისტრატორის მიერ თიზ-ის საწარმოების შესახებ ინფორმაციის წარდგენის ვალდებულება და აღნიშნული ინფორმაციის წარდგენის წესი.

კერძოდ კი, თიზ-ის ორგანიზატორი ვალდებული ხდება საგადასახადო ორგანოს ელექტრონულად წარუდგინოს ინფორმაცია თიზ-ში რეგისტრირებული თიზ-ის საწარმოების, მათ შორის, რეგისტრირებული არარეზიდენტის მუდმივი დაწესებულების შესახებ, არაუგვიანეს თიზ-ის საწარმოს რეგისტრაციის თვის მომდევნო თვის 15 რიცხვისა, ხოლო თიზ-ში რეგისტრირებულ საწარმოთა შესახებ წარდგენილ ინფორმაციაში ცვლილების შემთხვევაში – არაუგვიანეს შესაბამისი ცვლილების განხორციელების დღის მომდევნო სამუშაო დღისა.

წარსადგენ ინფორმაციას განეკუთვნება:

ა) თიზ-ის დასახელება და მისამართი;

ბ) თიზ-ის საწარმოს დასახელება, საიდენტიფიკაციო ნომერი, სამართლებრივი ფორმა, იურიდიული მისამართი, საკონტაქტო ტელეფონის ნომერი და ელექტრონული ფოსტა;

გ) თიზ-ის საწარმოდ რეგისტრაციის თარიღი;

დ) თიზ-ის საწარმოს საქმიანობის სახე და აღწერა;

ე) თიზ-ის საწარმოსთვის ორგანიზატორის/ადმინისტრატორის მიერ თიზ-ში საქმიანობის უფლების მინიჭების, შეჩერების და შეწყვეტის თარიღი.

დადგენილი ვალდებულების დარღვევისათვის ორგანიზატორს/ადმინისტრატორს პასუხისმგებლობა დაეკისრება საქართველოს საგადასახადო კანონმდებლობის შესაბამისად.

ამასთან, ინსტრუქციის გარდამავალი დებულებების 112-ე მუხლს დაემატა 77-ე პუნქტი და გამონაკლისის სახით განისაზღვრა, რომ ორგანიზატორი/ადმინისტრატორი ამავე თიზ-ში 2025 წლის 1 აგვისტომდე რეგისტრირებული საწარმოების, მათ შორის, რეგისტრირებული მუდმივი დაწესებულების შესახებ, ამ ინსტრუქციის 41​³-ე მუხლით გათვალისწინებულ ინფორმაციას საგადასახადო ორგანოს წარუდგინოს არაუგვიანეს 2025 წლის 1 სექტემბრისა.

ცვლილება ამოქმედდება 2025 წლის  1 აგვისტოდან.

ცვლილების შესახებ დეტალური ინფორმაცია იხილეთ ბმულზე:

https://matsne.gov.ge/ka/document/view/6570111?publication=0

2.2. საჯარო გადაწყვეტილება საკუთარი წარმოების შენობის/ნაგებობის ძირითად საშუალებად გამოყენების დღგ-ით დაბეგვრის თაობაზე.

2025 წლის 22 ივლისს გამოქვეყნდა საქართველოს ფინანსთა მინისტრის საჯარო  გადაწყვეტილება N194, დასაბეგრი პირის მიერ საკუთარი წარმოების შენობის/ნაგებობის ძირითად საშუალებად გამოყენების დღგ-ით დაბეგვრის თაობაზე. საჯარო გადაწყვეტილება განმარტავს დასაბეგრი პირის მიერ საკუთარი წარმოების შენობის/ნაგებობის ძირითად საშუალებად გამოყენების დღგ-ით დაბეგვრის პირობებსა და აღნიშნული ოპერაციის დღგ-ით დასაბეგრი თანხის განსაზღვრის წესს.

როგორც მოგეხსენებათ, სსკ-ის 160-ე მუხლის მე-3 ნაწილის „ბ“ ქვეპუნქტისა და 163-ე მუხლის მე-3 ნაწილის „ა“ ქვეპუნქტის მიხედვით, ანაზღაურების სანაცვლოდ საქონლის მიწოდებად განიხილება, დასაბეგრი პირის მიერ საკუთარი წარმოების შენობის/ნაგებობის ძირითად საშუალებად გამოყენება, თუ იგი სრულად ვერ მიიღებდა დღგ-ის ჩათვლას ამ შენობის/ნაგებობის სხვა პირისგან შეძენის შემთხვევაში და დღგ-ით დაბეგვრას ექვემდებარება პირის მიერ მისი წარმოებული შენობის/ნაგებობის ეკონომიკურ საქმიანობაში გამოყენების დაწყების მომენტში. აღნიშნული ქვეპუნქტის შენიშვნის მიხედვით კი, საკუთარ წარმოებად განიხილება დასაბეგრი პირის საკუთრებაში/მფლობელობაში არსებულ მიწის ნაკვეთზე შენობის/ნაგებობის მშენებლობა საკუთარი ძალებით ან/და სამშენებლო-სამონტაჟო მომსახურების შეძენის გზით. ხოლო, სსკ-ის 164-ე მუხლის მე-2 ნაწილის „ა“ ქვეპუნქტის მიხედვით, დღგ-ით დასაბეგრი თანხა არის საქონლის შესყიდვის ფასი ამ ან ანალოგიურ საქონელზე, ან თუ ასეთი არ არსებობს − მისი წარმოების ფასი, რომელიც შესაბამის შემთხვევებში დგინდება საქონლის გამოყენების, გასხვისების, დასაკუთრების (მფლობელობაში დარჩენის) ან დღგ-ის გადამხდელად რეგისტრაციის გაუქმების მომენტში.

ამდენად, სსკ-ის ზემოხსენებული რეგულაცია ითვალისწინებს ე.წ. „თვით მიწოდების“ ფიქციას, რა დროსაც ითვლება, რომ დასაბეგრი პირი მის მიერ შექმნილ საქონელს – შენობას/ ნაგებობას საკუთარ თავს აწვდის ანაზღაურების სანაცვლოდ. ეს ფიქცია იმოქმედებს იმ შემთხვევაში, თუ აშენებული შენობის/ნაგებობის სხვა პირისგან შეძენის შემთხვევაში, აღნიშნული დასაბეგრი პირი სრულად ვერ მიიღებდა დღგ-ის ჩათვლას.

საჯარო გადაწყვეტილებიდან და ზემოხსენებულიდან გამომდინარე, დასაბეგრი პირის მიერ საკუთარი წარმოების შენობის/ნაგებობის ძირითად საშუალებად გამოყენება იბეგრება დღგ-ის 18%-იანი განაკვეთით, როდესაც სახეზეა სამივე შემდეგი პირობა:

1. 1. 1. შენობა/ნაგებობა წარმოებული უნდა იყოს დასაბეგრი პირის მიერ. ამასთან, შენობა/ნაგებობა დასაბეგრი პირის მიერ წარმოებულად მიიჩნევა, თუ იგი აშენებულია დასაბეგრი პირის საკუთრებაში/მფლობელობაში არსებულ მიწის ნაკვეთზე საკუთარი ძალებით ან/და სამშენებლო-სამონტაჟო მომსახურების შეძენის გზით;
   2. 2. დასაბეგრმა პირმა ფაქტობრივად დაიწყო საკუთარი წარმოების შენობის/ნაგებობის ეკონომიკურ საქმიანობაში გამოყენება, მისი დანიშნულების შესაბამისად;
   3. 3. დასაბეგრი პირი სრულად ვერ მიიღებდა დღგ-ის ჩათვლას შენობის/ნაგებობის სხვა დასაბეგრი პირისგან შეძენის შემთხვევაში. შესაბამისად, განსახილველ დასაბეგრ ოპერაციას მაშინ ექნება ადგილი, როდესაც შენობა/ნაგებობა გამოიყენება ისეთ ოპერაციებში, რომელთა განხორციელების მიზნით გაწეულ ხარჯებზე გადახდილი/გადასახდელი დღგ-ის სრულად ჩათვლის უფლება დასაბეგრ პირს არ წარმოეშობა.

საჯარო გადაწყვეტილების მიხედვით დღგ-ით დასაბეგრ თანხაში მხოლოდ იმ საქონლის/მომსახურების ღირებულება უნდა იქნეს შეტანილი, რომელიც უშუალოდ მიეკუთვნება მშენებლობის ხარჯებს. ხოლო, მიწის ნაკვეთის ღირებულება, რომელზეც ხორციელდება მშენებლობა, დღგ-ით დასაბეგრ თანხაში არ მონაწილეობს, რადგან სსკ-ის 171-ე მუხლის პირველი ნაწილის „გ“ ქვეპუნქტიდან გამომდინარე, მიწის ნაკვეთის მიწოდება გათავისუფლებულია დღგ-სგან ჩათვლის უფლების გარეშე და არ წარმოადგენს ისეთი სახის ხარჯს, რომელიც უშუალოდ შედის წარმოებული შენობა/ნაგებობის ღირებულებაში. შესაბამისად, მიწის ნაკვეთის ღირებულება დღგ-ით დასაბეგრ თანხაში არ მონაწილეობს.

საჯარო გადაწყვეტილება ამოქმედდა გამოქვეყნებისთანავე, ანუ 2025 წლის  22 ივლისიდან.

ცვლილების შესახებ დეტალური ინფორმაცია იხილეთ ბმულზე:

https://www.matsne.gov.ge/ka/document/view/6577118?publication=0

3. ცვლილებები დაგროვებითი პენსიის შესახებ კანონის კანონქვემდებარე ნორმატიულ აქტებში.

ივლისის თვეში განხორცილდა მნიშვნელოვანი ცვლილებები დაგროვებითი პენსიის შესახებ კანონის კანონქვემდებარე ნორმაიტულ აქტებში, კერძოდ ცვლილება შეეხო  საქართველოს საპენსიო ფონდის გენერალური დირექტორის №02, №03 და №04 ბრძანებებს. აღნიშნული ცვლილების შედეგად მნიშვნელოვნად იცვლება საპენსიო შენატანების ადმინისტრირების, ჯარიმა-საურავების დაკისრების, ასევე საპენსიო ანგარიშითან ფულადი სახსრების გატანის წესი და სხვა მრავალი საკითხი. ამ ნაწილში შევეხებით მხოლოდ ყველაზე მნიშვნელოვან ცვილებებს რომლების ეხება საპენსიო შენატანებთან დაკავშირებულ სხვადასხვა საკითხს.

3.1. საპენსიო შენატანის განუხორციელებლობისას დაკისრებული საურავის განაკვეთი გაიზარდა

ცვლილების მიხედვით საპენსიო ფონდის დირექტორის ბრძანება №03-ში აისახა კანონში შეტანილი ცვლილება საურავის განაკვეთის ზრდასთან დაკავშირებით, კერძოდ თუ კანონის წინა რედაქციით საურავის დარიცხვა ხდებოდა ეროვნული ბანკის მიერ დადგენილი მონეტარული პოლიტიკის განაკვეთის ოდენობით, ახალი რედაქციის მიხედვით საურავის დარიცხვა მოხდება  საქართველოს ეროვნული ბანკის მიერ დადგენილი მონეტარული პოლიტიკის განაკვეთისთვის დამატებული 5%-ის ოდენობით, რაც პირდაპირ აღნიშნავს საურავის განაკვეთის ზრდას. საპენსიო შენატანის განუხორციელებლობის შემთხვევაში.

საურავის დარიცხვა განხორციელდება წელიწადში 365 დღეზე დაანგარიშებით, საპენსიო შენატანის განხორციელების ვადის მომდევნო თარიღიდან და გრძელდება დამსაქმებლის მიერ ამ საპენსიო შენატანის სრულად განხორციელებამდე.

3.2. საპენსიო შენატანისა და საურავის თანხის  გადახდის თანმიმდევრობა

საპენსიო ფონდის დირექტორის ბრძანება №03-ის მე-9 მუხლის მე-3 ნაწილის ცვლილებამდელ რედაქციაში მოცემული იყო ჩანაწერი იმის შესახებ რომ საურავის დაკისრება არ ზღუდავს დამსაქმებელს განახორციელოს საპენსიო შენატანები.

ცვლილების შედეგად მოხდა საპენსიო შენატანისა და შესაბამისი საურავის თანხის დაფარვის თამიმდევრობის განსაზღვრა რისი მიხედვითაც  საპენსიო შენატანის/შენატანების და მასზე დარიცხული საურავ(ებ)ის დაფარვა ხორციელდება კალენდარული თვეების რიგითობით, უპირველესად სათანადო საპენსიო შენატანის/შენატანების სრულად განხორციელების/დაფარვის შემდგომ მასზე დარიცხული შესაბამისი საურავის გადახდით. ამასთან ცვლილების შედეგად მოხდა განისაზღვრა რომ დამსაქმებელი ვერ განახორციელებს მომდევნო საპენსიო შენატან(ებ)ს, თუ სრულად არ დაიფარება არსებული საპენსიო შენატან(ებ)ი და მასზე დარიცხული საურავი.

3.3. ხელახალი მონიტორინგის დანიშნვნის წინაპირობები შეიცვალა

საპენსიო ფონდის დირექტორის ბრძანება №03-ის 15-ე მუხლის მიხედვით  შემოწმებულ პერიოდზე ხელახალი მონიტორინგის დანიშვნა ხდებოდა თუ თუ დამსაქმებელი შემოწმებულ პერიოდზე წარადგენდა ახალ საპენსიო დეკლარაციას (ან წლიურ მაკორექტირებელ დეკლარაციას) ან/და მოახდენდა  შეცვლილი ან/და შესწორებული  საშემოსავლო დეკლარაციის წარდგენას.

ცვლილება განხორციელდა ამ მუხლის ნაწილშიც სადაც ჩაიწერა რომ შემოწმებული პერიოდის ხელახალი მონიტორინგი დასაშვებია იმ შემთხვევაში, თუ დამსაქმებლის მიერ შემოწმებულ პერიოდზე გამოვლინდება ნებისმიერი ახალი ფაქტობრივი გარემოება (აღარ არის მინიშნება დეკლარაციის წარდგენასა და დაზუსტებაზე).

3.4. პენსიის გატანა პროგრამული გატანითა და ერთიანი გადახდით

ცვლილების მიხედვით ხდება პენსიის საპენსიო სქემის მონაწილეზე ერთიანი გადახდით გაცემის წინაპირობების დაზუსტება, კერძოდ ბრძანება №02-ში განხორციელებული ცვლილების შედეგად განისაზღვრა რომ თუ საპენსიო აქტივების პროგრამული გატანის შემთხვევაში ყოველთვიური პენსია იქნება საპენსიო ფონდის მიერ მონაწილის შესაბამისი განცხადების თაობაზე გადაწყვეტილების მიღების დროისათვის,  საშუალო თვიური დარიცხული ხელფასის 20%-ის ტოლი ან ნაკლები, მაშინ პენსიის გაცემა უნდა მოხდეს ერთიანი გადახდით. ცვლილებამდე არსებულ კანონის რედაქციაში აღნიშნული იყო რომ ერთიანი გადახდით გაცემა უნდა მომხდარიყო მაშინ როდესაც ყოველთვიური პენსია საშუალო თვიური დარიცხული ხელფასის 10%-ის ტოლი ან ნაკლები იქნებოდა.

ამასთან დამატებით ზუსტდება რომ თუ მონაწილის განცხადებით მოთხოვნილია პენსიის/საპენსიო აქტივების პროგრამული გატანით მიღება, თუმცა ასეთ შემთხვევაში შესაბამისი განცხადების თაობაზე გადაწყვეტილების მიღების დროისათვის მისაღები პენსიის მოცულობა იქნება, საშუალო თვიური დარიცხული ხელფასის 5%-ის ტოლი ან ნაკლები, მონაწილის შესაბამისი განცხადების მიუხედავად საპენსიო ფონდის მიერ პენსია/საპენსიო აქტივები გაიცემა მხოლოდ ერთიანი გადახდით.

ცვლილების შესახებ დეტალური ინფორმაცია იხილეთ ბმულზე:

https://matsne.gov.ge/ka/document/view/6573174?publication=0

https://matsne.gov.ge/ka/document/view/6573106?publication=0

https://matsne.gov.ge/ka/document/view/6573152?publication=0

შპს კრესტონ ჯორჯია

მმართველი პარტნიორი                                                             დავით პაპიაშვილი

საგადასახადო აუდიტის დეპარტამენტის ხელმძღვანელი                     რუსუდან ჭაბუკიანი

The post 2025 წლის ივლისის თვის განმავლობაში საქართველოს საგადასახადო კანონმდებლობაში შესული ცვლილებები appeared first on ფინანსური აუდიტი და საგადასახადო მომსახურება.

1.1. მნიშვნელოვანი ცვლილებები საქართველოს საგადასახადო კოდექსში

2023 წლის 18 აპრილს გამოქვეყნდა ცვლილება საქართველოს საგადასახადო კოდექსში (სსკ). ცვლილების ძირითადი ნაწილი ამოქმედდა გამოქვეყნებისთანავე, ხოლო ფიზიკური პირის მიერ ქონების/აქტივის მიწოდებით ნამეტი შემოსავლის დაბეგვრასთან დაკავშირებული ცვლილება, რომელსაც ქვემოთ იხილავთ დეტალურად, ძალაში შედის 2024 წლის 1 იანვრიდან.

• •  საერთაშორისო კომპანია

ახალი რედაქციით ჩამოყალიბდა სსკ–ის 23-ე მუხლის მე-3 ნაწილი. კერძოდ, საერთაშორისო კომპანიის მიერ ისეთი საქმიანობის განხორციელება, რომელიც საქართველოს მთავრობის დადგენილებით განსაზღვრული არ არის, იწვევს მისთვის საერთაშორისო კომპანიის სტატუსის გაუქმებას ამ საქმიანობის დაწყების წლის 1 იანვრიდან, ნაცვლად ამ სტატუსის მინიჭების თარიღისა, როგორც ეს ცვლილებამდე არსებული რედაქციით იყო განსაზღვრული.

• • ფიზიკური პირის მიერ ქონების/აქტივის მიწოდებით მიღებული ნამეტი

სსკ–ის 135-ე და 153-ე მუხლებს დაემატა მე-5 და მე-12 ნაწილები, შესაბამისად. ცვლილება მდგომარეობს იმაში, რომ არასამეწარმეო საქმიანობის ფარგლებში ქონების/აქტივის მიწოდებით ფიზიკური პირის მიერ მიღებული ნამეტის საშემოსავლო გადასახადით დაბეგვრის საანგარიშო პერიოდი გახდა კალენდარული თვე, ნაცვლად კალენდარული წლისა. შესაბამისად, ასეთი შემოსავლის მიღების შემთხვევაში ფიზიკური პირი ვალდებულია არაუგვიანეს საანგარიშო თვის მომდევნო თვის 15 რიცხვისა, საგადასახადო ორგანოს წარუდგინოს დეკლარაცია საშემოსავლო გადასახადის შესახებ.

• • ფიქსირებული გადასახადის გადამხდელისათვის დღგ–ის რეგისტრაცია

სსკ–ის 165-ე მუხლს დაემატა 7¹–ე ნაწილი, რომლის მიხედვითაც, ფიქსირებული გადასახადის გადამხდელის სტატუსის მქონე პირისთვის, დღგ–ის გადამხდელად რეგისტრაციის ვალდებულების განსაზღვრისას ფიქსირებული გადასახადით დასაბეგრი საქმიანობიდან მიღებული შემოსავალი, არ გაითვალისწინება 100 000 ლარიან ზღვარში.

• • საშემოსავლო გადასახადის შეღავათის სარგებლობის წესი

შეიცვალა სსკ–ის 82-ე მუხლის მე-5 ნაწილი. როგორც მოგეხსენებათ, სსკ–ის 82-ე მუხლის მე-2 ნაწილით განსაზღვრულია 3000 და 6000 ლარამდე შემოსავლები, რომლებიც საშემოსავლო გადასახადით არ იბეგრება. ცვლილებამდე არსებული რედაქციით, ერთზე მეტი სამუშაო ადგილის არსებობის შემთხვევაში გადახდის წყაროს, სადაც უნდა გავრცელებულიყო შეღავათი, განსაზღვრავდა დაქირავებული პირი. ცვლილების შედეგად კი, საგადასახადო წლის მიხედვით გადახდის წყაროდან მიღებულ შემოსავალზე შეღავათის გამოყენების წესს ადგენს საქართველოს ფინანსთა მინისტრი. შედეგად, აღნიშნულ ცვლილებასთან მიმართებაში ველოდებით ცვლილებებს ფინანსთა მინისტრის ბრძანებაში.

• • მცირე ბიზნესის სტატუსის გაუქმება

ახალი რედაქციით ჩამოყალიბდა სსკ–ის 89-ე მუხლის მე-3 ნაწილი, რომლის შემდეგაც დაემატა კიდევ ახალი 3¹ ნაწილი. ცვლილება მდგომარეობს იმაში, რომ თუკი მცირე ბიზნესის სტატუსის მქონე პირმა სტატუსის გაუქმების მოთხოვნით საგადასახადო ორგანოს მიმართა კალენდარული წლის დასრულებამდე, მაშინ მცირე ბიზნესის სტატუსი გაუქმებულად მიიჩნევა პირის მიერ საგადასახადო ორგანოსთვის მიმართვის თვის მომდევნო თვის პირველი რიცხვიდან, ნაცვლად კალენდარული წლის მომდევნო წლის დასაწყისისა, როგორც ეს ცვლილებამდე არსებული რედაქციით იყო განსაზღვრული.

• • დოკუმენტის საჯაროდ გავრცელება

ახალი რედაქციით ჩამოყალიბდა სსკ–ის 44-ე მუხლის მე-10 ნაწილი და შედეგად შეიცვალა საწარმოს/ორგანიზაციის მიმართ დოკუმენტის საჯაროდ გავრცელების წესი. საგადასახადო/დავის განმხილველ ორგანოს ან აღსრულების ეროვნულ ბიუროს უფლება აქვს, დოკუმენტი საჯაროდ გაავრცელოს, თუ გადასახადის გადამხდელი (გარდა ფიზიკური პირისა) საგადასახადო ორგანოს მიერ ელექტრონული ფორმით გაგზავნილ დოკუმენტს გადასახადის გადამხდელის ავტორიზებული მომხმარებლის გვერდზე განთავსებიდან 30 დღის განმავლობაში არ გასცნობია.

ფიზიკური პირის შემთხვევაში კი ეს წესი იგივე დარჩა, კერძოდ თუ გადასახადის გადამხდელი ფიზიკური პირია, დოკუმენტის საჯაროდ გავრცელება შესაძლებელია, თუკი პირს ორჯერ მაინც გაეგზავნა/წარედგინა დოკუმენტი წერილობითი ფორმით და ადრესატისთვის მისი ჩაბარება ვერ მოხერხდა; და თუკი პირი არ არის შემოსავლების სამსახურის ოფიციალური ვებგვერდის ავტორიზებული მომხმარებელი ან ადრესატი დოკუმენტს ავტორიზებული მომხმარებლის გვერდზე განთავსებიდან 30 დღის განმავლობაში არ გასცნობია.

• • ცვლილებები საგადასახადო სანქციებში

კოდექსს დაემატა ახალი 288⁵–ე მუხლი, რომლის მიხედვითაც, პირის მიერ დაქირავებულ პირთა რეესტრში დაქირავებულ პირთა შესახებ ინფორმაციის წარუდგენლობა იწვევს პირის დაჯარიმებას ყოველ დაქირავებულ პირზე 200 ლარის ოდენობით.

ამასთან, შეიცვალა სსკ–ის 270-ე მუხლის მე-7 ნაწილი. კერძოდ, აღნიშნული მუხლით გათვალისწინებულ საგადასახადო სამართალდარღვევათა ჩამონათვალს, რომლებისთვისაც ფულადი ჯარიმის ნაცვლად შესაძლებელია გამოყენებულ იქნას გაფრთხილება (გარდა იმ შემთხვევისა, როდესაც ეს ქმედებები ჩადენილია განმეორებით), ემატება გადასახადის გადამხდელად აღრიცხვის წესის დარღვევისა და დაქირავებულ პირთა რეესტრში დაქირავებულ პირთა შესახებ ინფორმაციის წარუდგენლობის შემთხვევები.

გარდა ამისა, სსკ–ის 286-ე მუხლის მე-5 ნაწილს დაემატა „ე“ და „ვ“ ქვეპუნქტები. კერძოდ, გაფართოვდა იმ მონაცემთა ჩამონათვალი, რომლის სასაქონლო ზედნადებში არ მითითების ან არასწორად მითითებულის შემთხვევაში გამოყენებულ იქნება საქონლის დოკუმენტების გარეშე ტრანსპორტირების, რეალიზაციისა და აღურიცხველობის შემთხვევებში განსაზღვრული სანქციები. ამ ჩამონათვალს დაემატა:

ე) მრგვალი ხეტყის (მორის) ან ხე–მცენარის ან მათი პირველადი გადამუშავების პროდუქტის წარმოშობის, შეძენის ან იმპორტის დამადასტურებელი შესაბამისი დოკუმენტის დასახელება, თარიღი და ნომერი;

ვ) თითოეული მრგვალი ხეტყის (მორის) ან ხე–მცენარის ან მათი პირველადი გადამუშავების პროდუქტის სპეციალური ფირნიშის ნომერი (გარდა საქართველოს ფინანსთა მინისტრის მიერ განსაზღვრული შემთხვევებისა, როდესაც სპეციალური ფირნიშის ნომრის მითითება სავალდებულო არ არის).

• • ცალკეულ შემთხვევაში საგადასახადო ვალდებულების განსაზღვრა 

ახალი რედაქციით ჩამოყალიბდა სსკ–ის 73-ე  მუხლის მე-8 ნაწილი. ცვლილება მდგომარეობს იმაში, რომ საქონლის/მომსახურების გაცვლის (ბარტერული) ოპერაციის შემთხვევაში საგადასახადო ორგანო უფლებამოსილია  დასაბეგრი თანხის ოდენობა საბაზრო ფასით განსაზღვროს არა მხოლოდ იმ შემთხვევაში თუკი ბარტერული ოპერაციის ღირებულება შემცირებულად არის ნაჩვენები გადამხდელი მიერ, როგორც ეს ცვლილებამდე მოქმედი რედაქციით იყო განსაზღვრული, არამედ ამ უფლების გამოყენების პირობებსა და წესებს, აგრეთვე შემთხვევებს, როდესაც ეს ნაწილი არ გამოიყენება, განსაზღვრავს საქართველოს ფინანსთა მინისტრი.

აგრეთვე აღნიშნულ 73-ე მუხლის მე-9 ნაწილს დაემატა ახალი „გ“ ქვეპუნქტი, რომელიც ვფიქრობთ მნიშვნელოვანი საგადასახადო რისკის შემცველი გახდება სამომავლოდ ბევრი გადამხდელისათვის. კერძოდ, დღგ–ის ნაწილში საგადასახადო ვალდებულების განსაზღვრის მიზნით საგადასახადო ორგანოს უფლება ეძლევა, ერთ დასაბეგრ პირად განიხილოს საქართველოს ტერიტორიაზე დაფუძნებული ნებისმიერი რამდენიმე პირი, მათი ფორმალური/იურიდიული დამოუკიდებლობის მიუხედავად, თუ მათ საქმიანობასთან/მართვასთან დაკავშირებულ ძირითად გადაწყვეტილებებს ერთი და იგივე პირი იღებს და მათი საქმიანობის ადგილი, სახე და შინაარსი იდენტურია. ამ ქვეპუნქტით გათვალისწინებული უფლების  გამოყენების შემთხვევებსა და წესებს განსაზღვრავს საქართველოს ფინანსთა მინისტრი.

ამრიგად, ზემოხსენებულ მნიშვნელოვან და გადასახადის გადამხდელისათვის არც თუ ისე სასიკეთო ცვლილებებთან დაკავშირებით, ველოდებით შესაბამის ახალ ჩანაწერებს ფინანსთა მინისტრის ბრძანებაში.

• • • „დაშლილი საზოგადოება“

სსკ–ის მე-8 მუხლს დაემატა ახალი ტერმინის _ „დაშლის პროცესში მყოფი პირი (დაშლილი საზოგადოება)“ განმარტება, ეს არის პირი (გარდა ფიზიკური პირის მიერ დაარსებული ფილიალისა, რომელიც არის მეწარმე ფიზიკური პირი), რომლის მიმართაც, „მეწარმეთა შესახებ“ საქართველოს კანონის შესაბამისად, განხორციელდა დაშლის პროცესის დაწყების რეგისტრაცია (რომლის ლიკვიდაციის პროცესიც მიმდინარეობს).

ამასთან დაკავშირებით ახალი რედაქციით ჩამოყალიბდა სსკ–ის 55-ე _ „საგადასახადო ვალდებულების შესრულება საწარმოს/ორგანიზაციის ლიკვიდაციისას (მათ შორის, დაშლის პროცესის დაწყების რეგისტრაციის შემთხვევაში)“ მუხლიც, რომლის მიხედვითაც, საწარმოს/ორგანიზაციის ლიკვიდაციისას (მათ შორის, დაშლის პროცესის დაწყების რეგისტრაციის შემთხვევაში) საქართველოს საგადასახადო კანონმდებლობით გათვალისწინებულ მოთხოვნებს/ვალდებულებებს ასრულებს და საგადასახადო დავალიანებას იხდის ეს საწარმო/ორგანიზაცია, ხოლო ზედმეტად გადახდილ თანხას საგადასახადო ორგანო ამ კოდექსით დადგენილი წესით უბრუნებს აღნიშნულ საწარმოს/ორგანიზაციას. ცვლილებამდე არსებული რედაქციით, სალიკვიდაციო კომისიაზე ხდებოდა საგადასახადო ვალდებულების დაკისრებაც და ზედმეტად გადახდილი თანხის დაბრუნებაც.

აგრეთვე ცვლილება შევიდა სსკ–ის 153-ე და 205-ე მუხლებში. კერძოდ, დაშლის პროცესში მყოფი პირი (დაშლილი საზოგადოება) ვალდებულია საგადასახადო ორგანოს ლიკვიდაციის პროცესის დაწყების რეგისტრაციიდან 5 სამუშაო დღის ვადაში წერილობით აცნობოს დაშლის შესახებ და იმავე ვადაში წარუდგინოს წლიური მოგებისა და ქონების გადასახადის დეკლარაციები.

• • მიწაზე ქონების გადასახადის დარიცხვა

შეიცვალა სსკ–ის 61-ე მუხლის მე-2 ნაწილის „ე“ ქვეპუნქტი და 205-ე მუხლის 13¹–ე ნაწილი. კერძოდ, მიწაზე ქონების გადასახადის დარიცხვის მიზნებისთვის საგადასახადო ორგანოსთვის საფუძველს წარმოადგენდა საჯარო რეესტრის ეროვნული სააგენტოს მიერ მიწოდებული ინფორმაცია. ცვლილების შედეგად კი შემოსავლების სამსახურისათვის დარიცხვის საფუძველი ასევე გახდა სხვა მარეგისტრირებელი ორგანოსა და აგრეთვე მუნიციპალიტეტის ორგანოს მიერ საგადასახადო ორგანოსთვის მიწოდებული მონაცემები.

საჯარო რეესტრის ეროვნული სააგენტოს, სხვა მარეგისტრირებელი ორგანოს, აგრეთვე მუნიციპალიტეტის ორგანოს მიერ მიწოდებული ინფორმაციის (მონაცემების) საფუძველზე საგადასახადო ორგანოს მიერ მიწაზე ქონების გადასახადის დარიცხვისას პირი თავისუფლდება მიწაზე ქონების გადასახადის დეკლარაციის წარდგენის ვალდებულებისგან. ამ შემთხვევაში აღნიშნული ინფორმაციის (მონაცემების) საფუძველზე პირს წარედგინება საგადასახადო მოთხოვნა საქართველოს ფინანსთა მინისტრის მიერ დადგენილი წესით.

• • ხანდაზმულობის ვადის შეჩერება

სსკ–ის 4-ე მუხლის მე-10 ნაწილს დაემატა „დ“-„ვ“ ქვეპუნქტები, რომლის მიხედვითაც,  გადასახადის გადამხდელისათვის, მარეგისტრირებელი ორგანოსათვის ან საბანკო დაწესებულებისათვის გადასახადის გადამხდელის საგადასახადო დავალიანების გადახდევინების უზრუნველსაყოფად ამ კოდექსით გათვალისწინებული ღონისძიების გამოყენების შესახებ ინდივიდუალური ადმინისტრაციულ–სამართლებრივი აქტის წარდგენის ხანდაზმულობის ვადაა 3 წელი, რომელიც აითვლება ამ დავალიანების წარმოშობის კალენდარული წლის დასრულებიდან და რომლის ხანდაზმულობის ვადა ჩერდება:

დ) საგადასახადო დავალიანების გადახდევინების გადავადების შესახებ ხელშეკრულების მოქმედების პერიოდში;

ე) საგადასახადო შეთანხმების აქტის მოქმედების პერიოდში;

ვ)  ღონისძიებები გაუქმდა საქართველოს ფინანსთა მინისტრის ან შემოსავლების სამსახურის უფროსის გადაწყვეტილებით.

აგრეთვე შეიცვალა მე-4 მუხლის მე-11 ნაწილი, რომლის მიხედვითაც, ამ მუხლით გათვალისწინებული ხანდაზმულობის ვადები არ გამოიყენება არა მხოლოდ საგადასახადო ორგანოს მიერ სასამართლოს/დავის განმხილველი ორგანოს გადაწყვეტილების აღსრულების პერიოდში, როგორც ეს ცვლილებამდე იყო, არამედ ასევე არ გამოიყენება სსკ–ის 246-ე მუხლის საფუძველზე საგადასახადო ორგანოს მიერ პირის გადასახადის გადამხდელის ცრუმაგიერ პირად აღიარების შესახებ შუამდგომლობის სასამართლოსთვის წარდგენასთან და ცრუმაგიერი პირის მიმართ ამ კოდექსით გათვალისწინებული საგადასახადო დავალიანების გადახდევინების უზრუნველყოფის ღონისძიებების გამოყენებასთან დაკავშირებით.

• • აქციზის გადასახადი

გარკვეული ცვლილებები შევიდა სსკ–ის აქციზის კარში, კერძოდ 188-ე, 189-ე, 194-ე და 198-ე მუხლებში. მთავარი ცვლილებები მდგომარეობს შემდეგში:

• • − გაიზარდა სეს ესნ–ის 3824 90 980 01 (მოქმედი სასაქონლო კოდი – 3824 99 960 01) სასაქონლო კოდში კლასიფიცირებული საქონლის (სითხეები ნიკოტინის შემცველობით ან ნიკოტინის შემცველობის გარეშე, განკუთვნილი ელექტრონული სიგარეტით მოხმარებისთვის) აქციზის განაკვეთი და მისი ოდენობა განისაზღვრა 1 მლ 1 ლარი, ნაცვლად 0.2 ლარისა;
  • − აქციზით დაბეგვრადი გახდა და აქციზურ საქონელს დაემატა 3 დასახელების საქონელი. ესენია, 2909 19 100 00 – ტერტ–ბუტილეთილის მარტივი ეთერი და 2909 19 900 00 – დანარჩენი, 1ტ.  400 ლარი, ხოლო 2912 11 000 00 – მეთანალი (ფორმალდეჰიდი) 1ტ. 4 ლარი;
  • − სეს ესნ–ის 2402 10 000 02 კოდში მითითებული საქონლისთვის (სიგარილები (წვრილი სიგარები), თამბაქოს შემცველობით) 20 ღერზე აქციზის განაკვეთი განისაზღვრა 2.2 ლარის ოდენობით და ამ საქონლის საცალო სარეალიზაციო ფასის 30 პროცენტის ჯამით;
  • − სატრანსპორტო საშუალებაზე გადახდილი აქციზისა და იმპორტის გადასახადის 100 პროცენტის ოდენობით დაბრუნებისათვის დადგენილი, სეს ესნ–ის 8703 კოდში აღნიშნული მსუბუქი ავტომობილის ან 8711 კოდში აღნიშნული მოტოციკლის (მოპედის ჩათვლით) თავისუფალ მიმოქცევაში გაშვების პროცედურაში მოქცევიდან ექსპორტის პროცედურაში მოქცევისა და საქართველოს ტერიტორიის დატოვების ვადა გაიზარდა 90 დღიდან 180 კალენდარულ დღემდე.

• • იმპორტის გადასახადისგან გათავისუფლება

სსკ–ის 199-ე მუხლს დაემატა „კ¹“ და „კ²“ ქვეპუნქტები და იმპორტის გადასახადისგან გათავისუფლდა საქართველოს საერთაშორისო ხელშეკრულებებით გათვალისწინებული ვალდებულებების (კერძოდ, ბაქო–თბილისი–ჯეიჰანის და ბაქო–თბილისი–ერზრუმის მილსადენების მშენებლობის) შესრულების უზრუნველსაყოფად საქართველოში საქონლის დროებით შემოტანა და საქართველოს საბაჟო კანონმდებლობის შესაბამისად საბაჟო ვალდებულებისგან სრულად გათავისუფლებული საქონლის დროებით შემოტანა.

• • იმპორტის დღგ–სგან გათავისუფლება

სსკ–ის 173-ე მუხლის „ფ“ ქვეპუნქტი ჩამოყალიბდა ახალი რედაქციით და იმპორტის დღგ–სგან გათავისუფლდა საქართველოს საბაჟო კოდექსის:

ფ.ა) 107-ე მუხლით გათვალისწინებული დაბრუნებული საქონლის იმპორტი, თუ აღნიშნული საქონელი აკმაყოფილებს იმპორტის გადასახადისგან გათავისუფლებისთვის იმავე მუხლით განსაზღვრულ პირობებს, მიუხედავად იმისა, იბეგრება თუ არა ეს საქონელი იმპორტის გადასახადით;

ფ.ბ) 152-ე მუხლის შესაბამისად გარე გადამუშავების პროცედურაში მოქცეული საქონლის გადამუშავებით მიღებული გადამუშავებული პროდუქტის იმპორტი, თუ აღნიშნული საქონელი აკმაყოფილებს იმპორტის გადასახადისგან გათავისუფლებისთვის იმავე მუხლით განსაზღვრულ პირობებს, მიუხედავად იმისა, იბეგრება თუ არა ეს საქონელი იმპორტის გადასახადით.

The post ცვლილებები საქართველოს საგადასახადო კოდექსში appeared first on ფინანსური აუდიტი და საგადასახადო მომსახურება.

The post Company Achievements In 2020 appeared first on ფინანსური აუდიტი და საგადასახადო მომსახურება.

The post Davit Papiashvili Was Elected As A Member Of The Board Of The GFPAA appeared first on ფინანსური აუდიტი და საგადასახადო მომსახურება.

The post Kreston Georgia’s New Initiative – Support For Business appeared first on ფინანსური აუდიტი და საგადასახადო მომსახურება.

The post “The Digital Accountancy Forum Awards 2020”! appeared first on ფინანსური აუდიტი და საგადასახადო მომსახურება.

The post IAASB Initiative appeared first on ფინანსური აუდიტი და საგადასახადო მომსახურება.

It Is Applied To More And More Companies Around The World And In Georgia

Why do you need outsourced accounting services? It is appealing to more and more companies around the world and Georgia, because of the many benefits associated with it, which, in addition to the financial benefits, offer many other conveniences to the business.
You will save time, money and reduce the operating costs of your business.

This is a benefit that is important and relevant for any business owner.

You will get accurate information about the financial condition of the company anytime, anywhere.

This is one of the main charms of outsourced accounting services – constant access to all necessary documents and reports – all you need is an internet connection.
This gives you instant access to financial data and records. With a complete view of finance, you will feel more confident and make more thoughtful business decisions.

You will get accurate knowledge about the financial condition of the company.

It does not matter if you have a growing business, maintain a stable financial situation, if you are experiencing some problems. Possessing accurate finance analytics is one of the most important factors in business. As a business owner, you should always be confident in the correctness of business decisions made.
By outsourcing accounting services, you are guaranteed to have tailored reporting to the company and its needs.

Another benefit in this situation – you always have the opportunity to talk to a team of professionals and ask any questions that are relevant to you. This is the best solution for a company of any size.

Protect the confidentiality of finances.

The less people have access to your finances – the better. This is one of the most fascinating things about outsourcing accounting services. Accounting software used by industry professionals and 100% protection from sharing with third parties.

Cost control

Any business has costs, taxes, and operating expenses. The accounting firm will analyze your business spending trends and constantly give you advice on how to minimize unnecessary expenses. The outsourced accounting firm team looks at your expenses by month, week, and day and can see some very important information for you in this regard.
The accounting company plays a very big role in the process of analyzing the income and expenses of the company, and in case of any problem will help you to solve it.

Avoid fines for taxes in the first place.

Businesses often make mistakes when it comes to tax regulations and their updates. A trusted advisor, in this case, an outsourced accounting firm, will constantly provide you with professional advice, which will minimize the cost of such disputes and maximize the benefits. Properly filing and filing tax returns on time will significantly reduce your costs. The mentioned benefit takes place when the work is done by a professional.

Among other comfort-creating circumstances is that the accounting of your company’s activities and business processes is in full compliance with the relevant (including tax) legislation of Georgia, which virtually eliminates tax risk.

The post Why Do You Need Outsourced Accounting Services? appeared first on ფინანსური აუდიტი და საგადასახადო მომსახურება.

At The Beginning Of The Pandemic, The Audit Company Kreston Georgia Set Up A Special Group For Educational Purposes

Audit company Kreston Georgia

Kreston Georgia has implemented an unprecedented project for the long-term development of business support and accounting and auditing in Georgia during the pandemic!

The company has launched a series of free training through a special Facebook group Kreston Georgia Education Space, which was attended by more than 3700 accounting and auditing professionals. The company has conducted an extensive series of free training on accounting, reporting, taxation, and auditing through relevant Live Facebook engagements.

Lecture Meetings

In addition to the regular lecture meetings, the format provided for free consultations. This meant that incoming questions were recorded after each lecture, followed by additional Live Involvements, which included answering incoming questions during the lecture and consulting with accounting and auditing professionals.

Group on Facebook

The Facebook group Kreston Georgia Education Space has about 4,000 professionals for this stage and most of them are actively involved in the project of free training and consultations organized by Kreston Georgia, which is once again confirmed by the activity of our members in the group.

The company Kreston Georgia does not complete the project, it intends to continue the project for at least another year and support accounting and auditing professionals.

The post Free Webinars On The Most Current Topics In The Field appeared first on ფინანსური აუდიტი და საგადასახადო მომსახურება.

Levan Papiashvili – Auditing Company “Kreston Georgia“, Managing Partner On BM.GE

The post What Is The Significance Of A Financial Statements Audit? appeared first on ფინანსური აუდიტი და საგადასახადო მომსახურება.