საგადასახადო კოდექსის სრული კურსი

მოქმედი საგადასახადო კოდექსის დებულებები (ზოგადი და გადასახადების ნაწილი), ასევე საგადასახადო კანონმდებლობასთან დაკავშირებული კანონქვემდებარე ნორმატიული აქტები (ბრძანებები, ინსტრუქციები ე.წ მანუალები). თითოეული ნორმის განხილვისას გაირჩევა მასთან დაკავშირებული პრაქტიკული ქეისები

განსაკუთრებული ყურადღება დაეთმობა საგადასახადო კანონმდებლობაში შესულ არსებითი ხასიათის ცვლილებებს, ახალი მოგების გადასახადის რეგულაციებს, დღგ-ში შესულ ცვლილებებს.

თითოეული გადასახადის გავლისას ვრცელი პრაქტიკული ამოცანების მაგალითზე განხილული იქნება კონკრეტული გადასახადის გამოანგარიშებისა და საგადასახადო დეკლარაციის შევსების წესი და ისეთი პრაქტიკული სავარჯიშოები, რომლებიც ხელს შეუწყობენ საგადასახადო დაბეგვრის პრაქტიკული უნარ-ჩვევების ჩამოყალიბებას.

ტრენინგი მოიცავს 4 შუალედურ გამოცდას. გამოცდების მიზანია, პრაქტიკაში შეჯამდეს ის საკითხები, რაც განხილულ იქნა ლექციებზე. შუალედური გამოცდების მიზანია, ცოდნის პრაქტიკული შეჯამება და არა მსმენელთა დაყოფა წარმატებულ და წარუმატებელ სტუდენტებად. 

შუალედური გამოცდები ეხება შემდეგ საკითებს:
I - საგადასახადო კოდექსის ზოგადი ნაწილი (78-ე მუხლის ჩათვლით);
II - საშემოსავლო და მოგების გადასახადები (წლიური, გადახდის წყაროსთან დასაკავებელი და განაწილებული მოგების გადასახადი);
III - დღგ;
IV - ქონება და აქციზი.

• ვადების დათვლის წესი, ხანდაზმულობის ვადები, ტერმინთა განმარტება, ეკონომიკური საქმიანობა, დაქირავებით მუშაობა, საქონელი/მომსახურება, საბაზრო ფასი და ურთიერთდამოკიდებული პირები (მუხლი 1-19)
• საწარმო, ორგანიზაცია, მეწარმე ფიზიკური , საქველმოქმედო და რელიგიური საქმიანობა, მუდმივი დაწესებულება, საგადასახადო დაბეგვრის რეჟიმები (თიზ-ი, სპეციალური საწარმო, საერთაშორისო საწარმო, ტურისტული საწარმო, სპეციალური სავაჭრო კომპანია და სხვ.), რეზიდენტობის განსაზღვრა, როდის ითვლება გადამხდელთან გაგზავნილი შეტყობინება ჩაბარებულად (მუხლი 20-44)
• გადასახადის გადამხდელებისათვის ინფორმაციის მიწოდება და საქართველოს საგადასახადო ორგანოების სისტემა. საჯარო გადაწყვეტილება, წინასწარი გადაწყვეტილება (მუხლი 45-52)
• გადასახადის გადახდის ვადა, ზედმეტად გადახდილი თანხის დაბრუნება, საგადასახადო მოთხოვნა, გადასახადის გადამხდელის მოთხოვნა, გადასახადის გადამხდელად აღრიცხვა (მუხლი 53-78)
• საშემოსავლო და მოგების გადასახადის მუხლების დეტალური განხილვა და გადასახადების დეკლალირება (მუხლი 79-155)
• დამატებული ღირებულების გადასახადის მუხლების დეტალური განხილვა და გადასახადის დეკლარირება  (მუხლი 156-181)
• აქციზი (მუხლი 182-194)
• იმპორტის გადასახადი (მუხლი 195-199)
• ქონების გადასახადის დეტალური მიმოხილვა და გადასახადის დეკლალირება (მუხლი 200-206)
• საგადასახადო კონტროლი (მუხლი 255-268)
• საგადასახადო სამართალდარღვევა და პასუხისმგებლობა, საგადასახადო დავა და შეთანხმება (მუხლი 269-308)
• გარდამავალი და დასკვნითი დებულებანი (მუხლი 309-310)
• საქართველოს ფინანსთა მინისტრის №996, სხვა ბრძანებებისა და მნიშვნელოვანი და არსებითი საგადასახადო რისკების შემცველი მეთოდური მითითებების (მანუალების) განხილვა
• მთავრობის დადგენილებები, რომლებიც არეგულირებენ საგადასახადო დაბეგვრის საკითხს.